ARTibista, emakumeen eta LGTBI+ kolektiboaren eskubideen alde lan egiten duena, komiki, ilustrazio, bineta eta komiki banden bidez. Bestalde, zenbait hedabidetan beste gizarte kausa batzuen alde lan egiten du, betiere, tinta, irudimen eta umore handiarekin.

LGTBI+ eta emakume lesbianen errealitateak ezagutzera emateko argitalpenak koordinatu eta diseinatu ditu, zenbait komiki areto eta unibertsitatetako mahai inguruetan parte hartu du, eta 2019an «L.S.B., Ana ¡El lesbicómic! – Deluxe edizioa» eta zenbait fanzine bere kabuz editatu ditu.

Gaur egun, zenbait hedabidetan kolaboratzen du; besteak beste, La gallina vasca aldizkari satirikoan, Gehitu Magazine aldizkarian, eta 20minutos.es egunkariko «1 de cada 10- Blog de la diversidad sexual y de género» blogean, baita antzeko beste argitalpen eta fanzinetan ere, betiere, gizakien aniztasun guztia erakutsiz. 2020 honetan, autoezagutza- eta ahalduntze tailerrak ematen hasi da, komikiak eta fanzineak sortuz, «Herstory» eta «LGTBstory» berreskuratzeko bereziki emakumeei eta LGTB+ kolektiboari zuzenduz.