Zergatik izan beharko nuke GizARTE sareko eragile?
Hainbat arrazoi daude:
- Gizarte-eraldaketarako arte-hezkuntzaren esparruan lan egiten duten beste eragile batzuk ezagutzeko eta horiekin harremanetan egoteko.
- Arte-hezkuntzaren inguruko ezagutza eta esperientzia sortzen duen sare baten parte izateko.
- Gainerako eragileekin lankidetzak ezartzeko eta proiektuak sortzeko.
- Arte-hezkuntzari eta kultura-eskubideei buruzko tokiko, nazio-mailako eta nazioarteko foroetan parte hartzeko.
- UNESCO Etxeak sareko kideentzat ateratzen dituen prestakuntzak eta bekak jaso ahal izateko.
- Zure proiektua/ekimena webgunean argitaratzeko eta zure jarduerak ezagutarazteko.
- Gurekin bat egiteko, denon artean herritar kritikoak sortu eta hezkuntza- eta kultura-politiketan eragin dezagun.
Kuotarik ordaindu behar al da?
Ez, doakoa da.
Lan-ibilbide sendotua izan behar al dut sareko kide izateko?
Ez, sarean denetarik dago: eragile batzuek esperientzia handia dute arte-hezkuntzaren arloan, eta beste batzuk hasiberriak dira.
