Matxalen de Pedro eta Igor de Quadrak HORMAN POSTER kolektiboa 2010 ean hasi zuten, sormen eszenikorako eta mediazio artistikorako plataforma gisa. 2019an, Xanti Agirrezabala, Maite Aizpurua eta Jon Ander Urresti  sortzaile berriak gehitu ziren,  kolektiboa eraberrituz eta prozesu kolaboratiboei indarra emanez.

Sinbiosi honek esperientzia eta freskotasuna gurutzatzen dituen kolektiboa izateko helburua du. Aldi berean, taldekideon ibilbide desberdinek proiektuei sakontasun poliedriko bat emateko aukera ematen digute: goi mailako antzerki ikasketak (ESADD Dantzerti; Institut del Teatre; Int. School of Corporeal Mime;…) eta zientzia sozialetako lizentzaturak (psikologia, soziologia, antropologia eta filosofia) elkartuz.

Bi norabide nagusietan garatzen ari ditugu gure lanak: batetik, antzerki lan berritzaileak garatuz, estetika zainduaren bitartez eta kritikotasunaren txinparta publikoari hurbilduz. Bestetik, prozesu artistikoaren atal eta elementuetaz baliatuz, mediazio edo formakuntza proiektuak jorratzen ditugu adin eta jatorri ezberdieneko kolektiboentzako. Beharrezkoa deritzogu gorputza, mugimendua eta hitzaren bitarteko hausnarketa kolektiboa burutzeko esparru seguru eta jolastiak sortzea.