Kalea, eraikitako ingurunea eta, gaur egun, hedabideak eta Internet ere harreman kolektiboko espazioak dira; gizarte-harremanetarako espazio dibertsifikatuak direnez, kultura komun baterako lekuak ere badira, eta ez gara soilik familietan edo eskoletan hezten, baita espazio publikoan ere. Bestalde, giza sormenaren alderdietako bat da artistikoa, eta ez dago harremanen ingurune sozialetik isolatuta. Horri kulturaren kontzeptu antropologikoa gehituz gero, prozesu parte-hartzaile eta kolektibo gisa, ezinbestekoa da alderdi artistikoaren presentzia kontuan hartzea edozein sozializazio-espaziotan. Espazio publikoaren eta artistikoaren integrazioa da, beraz, nire interesguneetako bat.

Gaur egun antropologiari eskaintzen diodan dedikazioaz gain, arlo artistikoan lanean aritua nahiz lehen, eta saritutako animaziozko hainbat film luzetan, film laburretan, animaziozko telesailetan edo spotetan parte hartu dut. Ilustratzaile gisa ere parte hartu dut erakusketa kolektiboetan Getxon, Madrilen edo Bolonian. Argitaletxeen sektorean, haur eta gazteen arloan, hainbat argitaletxerentzako hezkuntza-liburuak ilustratu ditut, baita haurrentzako ipuin-bilduma batzuk ere. Azken sektore horretan, testuak ere egin izan ditut noizik eta behin, eta literatura-edukiaren aholkularia ere izan naiz.