Ikus-entzunezko Komunikazioan lizentziaduna da Euskal Herriko Unibertsitatean, eta eskarmentu handia du kulturaren, zinemaren eta ikus-entzunezkoen alorretan Arrate Velascok. Hainbat dokumentalen koprodukzioan eta nazioarteko hainbat zinema jaialdiren antolakuntzan parte hartu du Arratek, hala nola Cinémas d ‘Espagne et de l’ Amérique Latine (Brusela), Filmer à tout Prix (Brusela), Fisahara (Mendebaldeko Sahara), Donostiako Giza Eskubideen Zinemaldia edo Zinebi Zinema Dokumental eta Film Laburren Jaialdia (Bilbo).

Industria zinematografikoari laguntzeko Europako Batzordearen EUROPA SORTZAILEA programan lan egin du. Donostia 2016 Europako Kultur Hiriburuaren kultura-proiektuen kudeatzaile gisa, Arratek diziplina anitzeko eta nazioarteko proiekzioarekiko kultura-proiektu handiak izan zituen bere ardurapean. Gaur egun, Elias Querejeta zinema-eskolako koordinatzaile akademikoa da Arrate, graduondoko hiru programaz osatutako nazioarteko zentrokoa: Artxiboa, Komisariotza eta Sorkuntza.