Oro har, Hezkuntzaren eta Artearen fusioak motibatzen nau. Bereziki, Arte Dramatikoak eta Pedagogiak duen elkarlotura hori, batez ere, testuinguru kultural batetik martxan jartzen bada; hots, antzerki, museo edota kultur etxeetatik.

Lehen Hezkuntzan graduatua, ingeleseko irakaslea, Psikopedagogia masterra eta Arte Dramatikoan formakuntza, esperientzia eta ezagutzak ditudanez gero (ikus-entzunezko ekoizpenak barne), nire helburua esparru artistiko-kulturalen barruan, hezkuntza-plan eta proposamenetan parte hartu, landu eta laguntzea izango litzateke, betiere kontuan izanda aniztasun kulturala, hezkuntza premiak edota teknologia berriak.

Gaur egun, Bitartekaritza Kulturaleko formakuntzan dihardut. Aparte, Pedagogia Terapeutikoko espezialitatea ere gauzatzen nabil, zerbait haratago joateko eta estrategia berritzaile/dinamikoak proposatzeko. Odissea Teatroko (independentea) kide naiz 2011tik, antzezlan ezberdinetan parte hartu dut rol ezberdinekin eta zenbait lekutan (Bilbo, Errioxa, Sevilla…). Hezkuntza proiektuak kudeatu ditut enpresa batean eta orain monitore bezala nago ikastetxeetan. Nire aburuz, prozesuari indar gehiago eman beharko litzaioke produktuari baino, pertsona da lehenbizikoa.